वारं बदललं! माजी खासदार होणार का आमदार? का उमलणार कमळ? संभाजीनगर पूर्वचा ग्राऊंड रिपोर्ट

छत्रपती संभाजीनगर शहरामधील पूर्व मतदार संघातील जे नागरिक आहेत त्यापैकी अनेकांचे असं म्हणणं आहे की अतुल सावे हे निवडून येतील. कारण त्यांनी अनेक काम ही मतदारसंघांमध्ये केलेली आहेत. यामध्ये पाणी प्रश्न, त्यासोबत ड्रेनेचा प्रश्न, रस्त्याचा प्रश्न हे सर्व प्रश्न त्यांनी मार्गी लावून चांगला विकास केलेला आहे.

अनेक नागरिकांचे असं म्हणणं आहे की आम्ही लहुजी शेवाळे यांना याआधी कधीच मतदार संघामध्ये बघितले नाही. किंवा त्यांनी काही काम केलेले नाहीत. राहिला प्रश्न इम्तियाज जलील यांचा ते मागच्या टर्ममध्ये दुसऱ्या मतदारसंघामधून उभे होते. त्यामुळे त्यांचा मतदारसंघच नाही आणि त्यांनी नागरिकांशी येऊन संवाद देखील साधलेला नाही, असे देखील इथल्या नागरिकांचे म्हणणं आहे. त्यामुळे पूर्व मतदार संघामध्ये कोण बाजी मारेल हे बघणं महत्त्वाचं आहे.