पुण्यात पुन्हा रक्तरंजित थरार! मध्यरात्री चौघांनी घेरलं, दोघांनी केले तरुणावर सपासप वार

मिळालेल्या माहितीनुसार, फिर्यादी महिलेचा मुलगा ४ सप्टेंबर रोजी मित्रांबरोबर मोबाइलवर गेम खेळत होता. त्या वेळी आरोपी करण, शुभम आणि दोन अल्पवयीन साथीदार तेथे दुचाकीवरून आले. आरोपींनी त्याच्यावर तीक्ष्ण शस्त्राने वार केले. आरोपींनी केलेल्या हल्ल्यात मुलगा गंभीर जखमी झाला. या प्रकरणी भारती विद्यापीठ पोलीस ठाण्यात खुनाचा प्रयत्न केल्याप्रकरणी गुन्हा दाखल करण्यात आला. पसार झालेल्या आरोपींचा शोध घेण्यात येत होता. पोलिसांनी सीसीटीव्ही चित्रीकरण तपासले. हल्लेखोरांची ओळख पटल्यानंतर पोलिसांनी सापळा रचून दोघांना अटक केली.