वहिनीला चहा बनवायला सांगितला; मग हळूच मागे किचनमध्ये गेला अन् धक्कादायक कांड, दिराला आता घडली अद्दल

ही घटना १४ जून २०२४ रोजी बारामतीमधील प्रगतीनगर परिसरात घडली. पीडितेचे पती सुरक्षारक्षक म्हणून कामावर गेले होते. दुपारी दीडच्या सुमारास आरोपी चुलत दीर घरी आला. पीडितेने त्याला आदराने चहा दिला. मात्र, दुपारी साडेतीनच्या सुमारास पीडिता पुन्हा चहा करण्यासाठी गॅसजवळ गेली असता, आरोपीने तिच्यावर बळजबरीने अत्याचार केले. एवढेच नाही तर कोणाला काही सांगितल्यास 'जीवे मारण्याची' धमकीही दिली.

धमकीने न घाबरता पीडितेने तातडीने पतीच्या कामाचे ठिकाण गाठले आणि घडलेला प्रकार सांगितला. त्यानंतर बारामती शहर पोलीस ठाण्यात गुन्हा दाखल करण्यात आला. खटल्यादरम्यान आरोपीने आपल्याला खोट्या गुन्ह्यात अडकवल्याचा बनाव केला, मात्र पीडितेची साक्ष अत्यंत ठोस आणि विश्वासार्ह ठरली.