पुण्यात भयानक प्रकार! कारला धक्का लागल्यानं राग अनावर, दोघांनी महामार्गावरच पेटवला अख्खा कंटेनर

पुणे : किरकोळ अपघाताचं रूपांतर थेट जाळपोळीत झाल्याची धक्कादायक घटना पुण्याच्या शिक्रापूर येथील 'जीत ढाब्या'समोर घडली आहे. यात कारला कंटेनरचा धक्का लागला. याच रागातून कारमधील दोघांनी कंटेनर चालकाला बेदम मारहाण केली. ते एवढ्यावरच थांबले नाहीतर, तर त्यानंतर दोघांनी मालाने भरलेला कंटेनर आगीच्या हवाली केला. याप्रकरणी शिक्रापूर पोलिसांनी दोन अज्ञात कार चालकांविरुद्ध गुन्हा दाखल केला आहे.