सावधान! सोशल मीडियावरील 'ती' पोस्ट पडली महागात; तिघांची थेट येरवडा कारागृहात रवानगी

अटकेत असलेले आरोपी खुशीलाल सहाणी (वय २१), राजेश सहाणी (वय ३५, दोन्ही रा. उत्तर प्रदेश) आणि मीर हसन अली (वय २८, रा. बिहार) यांनी त्यांच्या इन्स्टाग्राम खात्यावरून आक्षेपार्ह मजकूर प्रसारित केला होता. या पोस्टमुळे दोन समाजात तणाव निर्माण होण्याची शक्यता निर्माण झाली होती. दौंड पोलिसांनी या प्रकरणाची तातडीने दखल घेत आरोपींना बेड्या ठोकल्या.