आधी चार वाहनांना उडवलं; मग भरचौकात पोलिसाला गाडीत खेचून अपहरणाचा प्रयत्न, पुण्याच्या रस्त्यावर 'फिल्मी थरार'

वारजे हायवे चौकात ही कार आली असता, तिथे तैनात असलेल्या वाहतूक पोलिसांनी कार चालकाला गाडी थांबवण्याचा इशारा केला. मात्र, चालकाने गाडी थांबवण्याऐवजी एका पोलिसाचा हात पकडून त्याला थेट कारमध्ये ओढण्याचा प्रयत्न केला. सुदैवाने, मागून येणारे वरिष्ठ निरीक्षक क्षीरसागर यांनी तत्काळ धाव घेत कार गाठली आणि आरोपीला भर चौकातच हिसका दाखवत जेरबंद केलं.