गणपती बाप्पा पावला! नारळाच्या मागणीत वाढ झाल्यानं विक्रेत्यांना अच्छे दिन

पुण्यातल्या गुलटेकडी मार्केट यार्डमधील भुसार बाजारात कर्नाटक, तामिळनाडू आणि आंध्र प्रदेशातून नारळाची मोठी आवक होत आहे. यावर्षी नारळाचं उत्पादन चांगलं असल्यानं दरही स्थिर आहेत. 50 ते 60 लाख नारळांची विक्री होते. सध्या किरकोळ विक्रेत्यांकडून 20 ते 25 टक्क्यांनी मागणीत वाढ झाली आहे. किरकोळ बाजारात एका नारळाची किंमत दर्जानुसार 20 ते 40 रुपये आहे, अशी माहिती मार्केट यार्ड भुसार बाजारातील व्यापारी सुरेंद्र शिंदे यांनी दिली.