Pune Gaja Marne : पुण्यात कुख्यात गुंड गजा मारणेचा VIDEO व्हायरल, पुणे पोलिसांचे आदेश धाब्यावर

गजा मारणे आणि त्याच्या गँगमधल्या मुलांचा एक व्हिडिओ समोर आला आहे. या व्हिडिओमध्ये गजा मारणे काही दुचाकींसमोर नारळ फोडत आहे, तसंच या दुचाकींची पूजा करत आहे. या व्हिडिओमध्ये गजा मारणेचे समर्थक नंबर प्लेट नसलेल्या या मोठ्या आवाजाच्या दुचाकी चालवताना दिसत आहेत. हा व्हिडिओ सोशल मीडियावर व्हायरल होत आहे.

पुण्यामध्ये काही महिन्यांपूर्वी शरद मोहोळची हत्या करण्यात आली होती. या हत्येनंतर नुकताच पदभार स्वीकारलेल्या पोलीस आयुक्त अमितेश कुमार यांनी पुण्यातल्या 267 गुंडांना पोलीस आयुक्तालयामध्ये बोलावलं आणि त्यांना गुन्हेगारीचं उदात्तीकरण न करण्याचा दम भरला. पुणे पोलिसांनी घेतलेल्या या परेडमध्ये स्वत: गजा मारणेही उपस्थित होता. याशिवाय निलेश घायवळ, बंडू आंदेकर, बाबा बोडके यांच्यासह इतर गंभीर गुन्हे दाखल असलेले गुंडही होते.