Cancer Vaccine: लक्ष द्या! मुलींना मिळणार मोफत कर्करोग प्रतिबंधक लस, कधी आणि कुठं? संपूर्ण माहिती

पुणे: गेल्या काही वर्षांपासून महिलांमध्ये गर्भाशयाच्या कॅन्सरचे प्रमाण मोठ्या प्रमाणात वाढत आहे. यावर प्रतिबंध म्हणून ग्रामीण भागातील 9 ते 14 वयोगटातील मुलींना गर्भाशयाच्या मुखाच्या कर्करोगापासून संरक्षण देण्यासाठी एचपीव्ही लसीकरण मोहीम राबविण्यात येणार आहे. या मोहिमेसाठी पुणे जिल्हा परिषदेने ‘जीविका फाउंडेशन’ या संस्थेसोबत करार केला आहे. या उपक्रमाद्वारे मुलींमध्ये या गंभीर आजाराबाबत जागरूकता वाढविण्याबरोबरच प्रतिबंधात्मक उपाय म्हणून लसीकरणावर भर दिला जाणार असल्याची माहिती जिल्हा परिषदेचे मुख्य कार्यकारी अधिकारी गजानन पाटील यांनी दिली.