social media affect relationship : सोशल मीडियामुळे नातेसंबंधांवर भयंकर परिणाम, Divorce पर्यंत प्रकरणे... काय खबरदारी घ्यावी?

कोरोनाकाळात अनेक गोष्टींमध्ये बदल झालेले आपण पाहिलेत. जसे की आरोग्य, कामाची पद्धत, वैयक्तिक आयुष्य या सर्वातच बदल झालेले आहेत. यात आणखी एक भर म्हणजे नातेसंबंध. या काळामध्ये सर्वात जास्त लोक ही सोशल मीडियावर सक्रिय होते. एकमेकांशेजारी बसली तरी संवाद हा होत नव्हता. त्यामुळे वाद निर्माण होत होते. एकमेकांना समजून न घेतल्यामुळे ते अजूनच वाढत होते. यामध्ये व्हॉट्सअप, फेसबुक, इंस्टाग्रामवर मित्र मैत्रिणींशी संवाद वाढणारा संवाद, हेच वादाचे कारण बनले. यामुळे वेगळे नाते निर्माण होऊन घटस्फोटचे प्रकरणे वाढले आहेत.

पती आणि पत्नी दोन्हीही जण  पैसे कमावत असल्यामुळे एकमेकांना समजून न घेता आपापले निर्णय हे परस्पर घेत आहेत. त्यामुळे कोरोनानंतर अनेक प्रकरण हे घटस्फोटची दाखल होत होती. यामध्ये 80 टक्के प्रमाण हे वाढले आहे. यामध्ये जर प्रामुख्याने काही कारणे पाहिली तर ती अंत्यत साधी असतात जसे की मुलांच्या आई वडिलांना सांभाळणार नाही.आपण वेगळं राहुयात. अविश्वास, अस्वस्थता, असुरक्षिता आणि विवाहबाह्य संबंध, सतत चॅटिंग, यामुळे पती-पत्नीच्या नात्यात दुरावा निर्माण होऊ लागला आहे. रात्री उशिरापर्यंत चॅटिंग, अपुरी झोप, चिडचिड यामुळे मानसिक स्वास्थावर परिणाम होतो आहे. म्हणजेच नातेसंबंधावरही त्याचा परिणाम होतो आहे.

सर्वसाधारण वैवाहिक वादाची दररोज 30 ते 40 प्रकरणे ही दाखल होतात. यामध्ये 9 ते 10 प्रकरणे परस्पर संमतीने घटस्फोटासाठी असतात आणि उर्वरित प्रकरणे वेगवेगळ्या कारणास्तव घटस्फोटासाठी दाखल झालेली असतात. म्हणजे एका महिन्याला जवळजवळ 840 केसेस या फाईल होत असतात. विशेष म्हणजे घटस्फोट घेणाऱ्यांमध्ये 25 ते 35 हा वयोगट सर्वात जास्त प्रमाणात आहे.

अशा प्रकरणात यावर काय खबरदारी घ्यावी, यावर सांगतात त्या म्हणाल्या की, एकमेकांना समजून घेणे तसेच दोघांनी एकमताने विचार करणे, वाद होणार नाहीत याची खबरदारी घेणे, कुठल्याही गोष्टी लपून न ठेवता. आपल्या जोडीदाराशी प्रामाणिक राहणे. जास्तीत जास्त काळ एकमेकांशी घालवणे, हे फार महत्त्वाचे आहे.