Ganeshotsav Pune : पुण्यात सुरू झालं 'देशातील पहिलं तृतीयपंथीयांचं ढोलपथक-शिखंडी', नेमकी कशी सुचली ही संकल्पना, VIDEO

पुणे : सध्या गणेशोत्सवाचे वेध लागले आहेत. सर्वजण आपल्या लाडक्या गणरायाच्या आगमनाची वाट पाहत आहेत. गणेशोत्सवात तुम्हाला ढोल-ताशा पथके पाहायला मिळतात. पुण्यातही अनेक ढोल-ताशा पथके आहेत. लहान मुलांपासून ते साठी तसेच त्यापलीकडच्या लोकांपर्यंत अनेकजण अगदी उत्साहाने यात सहभागी होत असतात. मात्र, आता तृतीयपंथीसुद्धा यामध्ये सहभागी होणार आहेत. पुण्यात एक ढोलपथक सुरू झाले आहे. या पथकाचं नाव आहे 'शिखंडी ढोल-ताशा पथक' असे आहे. हे ढोलताशा पथक हे भारतातील पहिले तृतीयपंथीयांचे ढोल ताशा पथक आहे.