Chhatrapati Sambhajinagar : समृद्धी महामार्गाच्या बाजूच्या जमिनींचा भाव कोटीच्या घरात; जाणून घ्या, यामागचं नेमकं कारण, VIDEO

छत्रपती संभाजीनगर : छत्रपती संभाजीनगर शहर हे औद्योगिक शहर आहे. शहरालगत अनेक असे महामार्ग दिलेले आहेत. पण त्यापैकी सर्वात महत्त्वाचा समजला जाणारा महामार्ग म्हणजे समृद्धी महामार्ग आहे. समृद्धी महामार्ग हा छत्रपती संभाजी नगर शहरातून गेलेला आहे आणि यामुळे सध्या या मार्गालगतच्या जमिनींना मोठ्या प्रमाणात मागणी आली आहे. मात्र, नेमकं का या जमिनींना इतकी मागणी का आली आहे, याबाबत इस्टेट एजंट संदीप कुलकर्णी यांनी सविस्तर माहिती दिली.

छत्रपती संभाजीनगर जिल्ह्यातून समृद्धी महामार्ग हा गेला आहे. समृद्धी महामार्गालगतच्या ज्या जमिनी आहेत, त्या जमिनींना सध्या मोठ्या प्रमाणामध्ये मागणी आली आहे. याची मुख्य कारण म्हणजे, हा सगळ्यात मोठा महामार्ग समजला जातो. याठिकाणी आता हळूहळू हॉटेल्स, रेस्टॉरंट किंवा इतर सोयी सुविधा या भविष्यामध्ये होणार आहेत. त्यामुळे लोकांनी गुंतवणूक म्हणून समृद्धी लगतच्या ज्या जमिनी आहेत, त्या घ्यायला आता सुरुवात केलेली आहे.