Police Bharti : तयारीला लागा! पुणे पोलीस दलात मोठी भरती होणार; मुख्यमंत्र्यांनी दिली महत्त्वाची माहिती

पुणे : तरुणांसाठी आनंदाची बातमी समोर आली आहे. पुणे पोलिस दलात लवकरच नवीन मोठी भरती होणार आहे. नवीन गावांचा समावेश झाल्यानंतर गृह विभागाने यासाठी मंजुरी दिली आहे. ही पावले नागरिकांच्या सुरक्षेसाठी आणि शहरातील गुन्हेगारीवर प्रभावी नियंत्रण ठेवण्यासाठी महत्त्वाची आहेत. पुणे शहराची भौगोलिक सीमा वाढल्यामुळे पोलीस दलावर कामाचा ताण अधिक वाढला आहे. सध्या सुमारे 70 लाख लोकसंख्येसाठी साडेआठ हजार पोलीस अधिकारी आणि कर्मचारी कार्यरत आहेत. ज्यामुळे गुन्हेगारी, वाहतूक कोंडी आणि नागरिकांच्या सुरक्षिततेवर ताण वाढत आहे.