Maharashtra HSC 12th Result 2024 : बारावीचा निकाल जाहीर, 93.37 टक्के विद्यार्थी उत्तीर्ण

How to Check HSC Result : बारावाची निकाल जाहीर, कसा आणि कुठे करायचा चेक

बारावीचा निकाल ऑनलाइन संकेतस्थळावरही जाहीर झाला आहे. विद्यार्थ्यांना निकाल पाहण्यासाठी त्यांचा बैठक क्रमांक, आईचे नाव ही माहिती आवश्यक आहे. बोर्डाच्या संकेतस्थळाशिवाय इतर ठिकाणीही ऑनलाइन निकाल पाहता येणार आहे.

HSC Result : विज्ञान शाखेचा निकाल सर्वाधिक 97.82 टक्के

बारावी परीक्षेत कला शाखेचा निकाल सर्वात कमी लागला असून 85.88 टक्के विद्यार्थी उत्तीर्ण झाले आहेत. तर विज्ञान शाखेचा निकाल 97.82 टक्के लागला. वाणिज्य शाखेचा निकाल 92.18 टक्के तर व्यवसाय अभ्यासक्रमाचे 87.75 टक्के विद्यार्थी उत्तीर्ण झाले. आयटीआयचा निकाल 87.69 टक्के लागला आहे.

HSC Result : विज्ञान शाखेचा निकाल सर्वाधिक 97.82 टक्के

बारावी परीक्षेत कला शाखेचा निकाल सर्वात कमी लागला असून 85.88 टक्के विद्यार्थी उत्तीर्ण झाले आहेत. तर विज्ञान शाखेचा निकाल 97.82 टक्के लागला. वाणिज्य शाखेचा निकाल 92.18 टक्के तर व्यवसाय अभ्यासक्रमाचे 87.75 टक्के विद्यार्थी उत्तीर्ण झाले. आयटीआयचा निकाल 87.69 टक्के लागला आहे.

राज्यात 21 संस्था आणि 7 कनिष्ठ महाविद्यालयांचा निकाल शून्य टक्के

बारावीच्या परीक्षेत २६ विषयांचा निकाल १०० टक्के लागला आहे. तर राज्यातील २१ संस्थांचा निकाल शून्य टक्के लागल्याची माहिती बोर्डाने दिली. या संस्थांमध्ये बहुतांश संस्था या आयटीआयच्या असल्याचं सांगण्यात येतंय.

राज्यातील 9 विभागात कोकण अव्वल, नाशिक, पुणे, कोल्हापूरचा निकाल 94 टक्के

बोर्डाने जाहीर केलेल्या निकालात कोकण विभागाने बाजी मारली असून सर्वात कमी निकाल मुंबई विभागाचा लागला आहे.

कोकण 97.51
नाशिक 94.71
पुणे 94.44
कोल्हापुर 94.24
संभाजीनगर 94.08
अमरावती 93.00
लातूर 92.36
नागपूर 92.12
मुंबई 91.95

बारावीच्या निकालात मुलींचीच बाजी, यंदा उत्तीर्ण विद्यार्थ्यांचे प्रमाणही वाढले.

बारावीच्या निकालात यंदाही मुलींनीच बाजी मारलीय. यंदा बारावीच्या निकालाचा टक्का वाढला असल्याची माहिती बोर्डाने दिली. दुपारी एक वाजता सहा संकेतस्थळांवर निकाल पाहता येणार आहे. विद्यार्थ्यांना गुणपत्रिकेची प्रिंट काढता येणार आहे.

HSC Result : विभागीय निकालात कोकण अव्वल, मुंबईचा सर्वात कमी निकाल

बोर्डाची परीक्षा ९ विभागीय मंडळात झाली. दिव्यांग विद्यार्थ्यांची उत्तीर्ण होण्याची टक्केवारी 94.20 टक्के इतकी आहे. तर सरासरी टक्केवारी ९१.८७ टक्के इतकी आहे. कोकण विभागाने पुन्हा बाजी मारली असून सर्वात कमी निकाल मुंबई विभागाचा लागला आहे.

बारावीचा निकाल 93.37 टक्के, पुन्हा कोकण विभागाची बाजी

यंदा बारावीच्या परीक्षेचा निकाल 93.37 % इतका लागला आहे. 13 लाख 29 हजार 684 विद्यार्थी उत्तीर्ण झाल्याची माहिती बोर्डाने दिली.

HSC Result : बारावीचा निकाल जाहीर, बोर्डाची पत्रकार परिषद

बारावीचा निकाल दुपारी एक वाजता ऑनलाइन जाहीर होणार असून बोर्डाने पत्रकार परिषद घेत याची माहिती दिली. शिक्षण मंडळाच्या संकेतस्थळावरून निकाल पाहता येणार आहे.

बारावीच्या परीक्षेला राज्यात १५ लाख विद्यार्थ्यांची नोंदणी

ऑनलाइन निकाल जाहीर करण्याआधी सकाळी अकरा वाजता बोर्ड पत्रकार परिषद घेणार आहे. यात विभागनिहाय निकाल जाहीर केला जाईल. बारावीची परीक्षा १ फेब्रुवारी ते १९ मार्च या कालावधीत झाली. बारावीच्या परीक्षेला राज्यात १५ लाखांपेक्षा जास्त विद्यार्थ्यांनी नोंदणी केली होती.

How to Check HSC Result : बारावीचा निकाल आज, कुठे करायचा चेक?

बारावीचा निकाल आज लागणार असून दुपारी एक वाजता बोर्डाच्या संकेतस्थळावर निकाल जाहीर होणार आहे. निकाल पुढील संकेतस्थळावर पाहता येईल.
1) mahresult.nic.in
2) https://hscresult.mkcl.org/
3) www.mahahsscboard.in
4) https://results.digilocker.gov.in