दूर्लक्ष करू नका! 11 वी प्रवेशाबाबत महत्त्वाचं अपडेट, 24 मे पासून 'ऑनलाईन रजिस्ट्रेशन' सुरू

पुणे: महाराष्ट्र राज्य माध्यमिक व उच्च माध्यमिक शिक्षण मंडळाने 11 वी प्रवेश प्रक्रियेसाठी अधिसूचना जारी केलीय. विद्यार्थ्यांना प्रवेशासाठी दोन टप्प्यांत नोंदणी करावी लागणार आहे. पहिल्या टप्प्याची नोंदणी 24 मे रोजी सकाळी 10 वाजल्यापासून सुरू होईल. तर दुसऱ्या टप्प्यातील नोंदणी 10 वीचा निकाल जाहीर झाल्यानंतर सुरू होईल. 11 वी प्रवेशासाठी तीन नियमित फेऱ्या आणि दोन विशेष फेऱ्या होणार आहेत.

मुंबई विभागात येणाऱ्या सर्व विद्यार्थ्यांना 11 वी प्रवेशासाठी ऑनलाईन नोंदणी अनिवार्य आहे. त्याशिवाय कोणत्याही शिक्षण संस्थेत प्रवेश मिळणार नाही. यंदा 'पहले आओ, पहले पाओ' (एफसीएफसी) पद्धतीने प्रवेश दिला जाणार नाही. त्यामुळे विद्यार्थ्यांनी अंतिम फेरीपर्यंत प्रवेशासाठी वाट पाहू नये, असंही अधिसूचनेत म्हटलंय.