Pimpri Murder: पती, पत्नी आणि तो...नकुल भोईर हत्या प्रकरणाली नवं वळण, गळा घोटताना तिसरा कोण?

नकुल भोईर आणि त्यांची पत्नी चैताली यांच्यामध्ये संशय घेण्यावरून कौटुंबिक वाद निर्माण झाले होते. काल मध्यरात्रीनंतर या त्यांच्यातील वादाचे पर्यावरण भांडणात झालं आणि त्यानंतर रागाच्या भरात चैतालीने पती नकुल भोईर यांचा कपड्याने गळा आवळून निर्घृण खून केला होता. घटनेची माहिती मिळताच चिंचवड पोलिसांनी घटनास्थळावरून आरोपी पत्नी चैतालीला ताब्यात घेतलं होतं.

कायदेशीर प्रक्रिया पूर्ण करत ,चैताली विरोधात BNS मधील कायदेशीर कलमानुसार खुनाचा गुन्हा दाखल करण्यात आल्याची नोंद पोलिस दप्तरी करण्यात आली. मात्र आता चैतालीच्या संपर्कात असलेला हा तिसरा व्यक्ती कोण? याचा पोलीस शोध घेत असल्याची नवी माहिती समोर आल्याने एकच खळबळ उडाली आहे.

विशेष म्हणजे आगामी महापालिका निवडणुकीत आपल्या पत्नीने नगरसेवक पदाची निवडणूक लढवावी, यासाठी नकुल यांनी मोठी तयारी केली होती. जिला नगरसेवक बनवायचं होतं. त्याच पत्नीने नकुल यांची हत्या केली आहे. नकुल भाईर हे परिसरात सामाजिक कार्यकर्ते म्हणून परिचित होते. पिंपरी चिंचवड भागात त्यांचा मोठा जनसंपर्क होता. नकुल भोईर हे शरदचंद्र पवार गटाच्या राष्ट्रवादी आणि विविध सामाजिक चळवळीत सक्रिय होते. चिंचवडगाव आणि शहरातील नागरी समस्या सोडविण्यासाठी ते नेहमी आग्रही असायचे. अशा सामाजिक कार्यकर्त्याची मध्यरात्री अचानक हत्या झाल्याने स्थानिकांमध्ये खळबळ उडाली आहे.