26 वर्षाच्या दोन तरुणांचं कांड; पिंपरीतील त्या स्पा सेंटरमध्ये पाऊल ठेवताच पोलीसही चक्रावले, तिघींची सुटका

मिळालेल्या माहितीनुसार, सम्राट चौकातील या स्पा सेंटरमध्ये ही कारवाई केली गेली. इथे परराज्यातील महिलांना पैशांचे आमिष दाखवून त्यांच्याकडून जबरदस्तीने वेश्याव्यवसाय करून घेतला जात असल्याची गोपनीय माहिती पोलिसांना मिळाली होती. त्यानुसार पोलिसांनी बनावट ग्राहक पाठवून खात्री केली आणि बुधवारी (२५ मार्च) दुपारी या सेंटरवर छापा टाकला. या प्रकरणी स्पा चालक मयूर मोहिते (वय २६, रा. दिघी) आणि मॅनेजर अक्षय सुतार (वय २६, रा. निगडी) यांच्यावर गुन्हा दाखल करण्यात आला आहे.

संत तुकारामनगर पोलीस ठाण्यात याप्रकरणी अनैतिक मानवी वाहतूक प्रतिबंध कायद्यानुसार गुन्हा नोंदवण्यात आला आहे. या कारवाईनंतर आता मावळ तालुक्यातील स्पा सेंटरवरही अशीच धडक कारवाई व्हावी, अशी मागणी नागरिकांकडून जोर धरू लागली आहे.