Atharva Sudame Reel: अथर्व सुदामेला नोटीस, रील करणं भोवलं; नेमकं काय केलं?

पुणे महानगर परिवहन महमहामंडळाच्या (PMPL) मालकीच्या बसमध्ये शुटिंग, महामंडळाचा गणवेश, ई- मशिन किंवा बॅच बिल्ला याचा बेकायदेशीर वापर करून परिवहन महामंडळाचे कोणतीही पूर्व परवानगी न घेता इन्स्टाग्राम या सोशल मीडिया प्लॅटफॉर्मवर अपलोड व प्रसारित केल्याचे निदर्शनास आले आहे. रीलमध्ये महिला प्रवाशांचा अवमान आणि अपमानास्पद चित्रण करण्यात आले आहे. या कृत्यामुळे महिला प्रवाशांच्या सन्मान, प्रतिष्ठा, मानसिक सुरक्षितता तसेच सार्वजनिक ठिकाणी असलेल्या महिलांच्या हक्कांना बाधा पोहोचत आहे. तसेच पुणे महानगर परिवहन महामंडळाची जनमानसात प्रतिमा मलिन होत असून पुणे महानगर परिवहन महामंडळाचे अंतर्गत नियम, धोरणाच्या विरोधात आहे. परिवहन महामंडळाची प्रतिमा, व्यावसायिक हित व सार्वजनिक बस सेवे वरील विश्वासावर विपरित परिणाम होत आहे.