दगडूशेठ गणपती भक्तांसाठी पर्वणी, 42 व्या वर्धापन दिनी खास कार्यक्रमांची मेजवाणी, पाहा सविस्तर

पुणे: श्रीमंत दगडूशेठ हलवाई गणपती भक्तांसाठी महत्त्वाची बातमी आहे. श्रीमंत दगडूशेठ हलवाई सार्वजनिक गणपती ट्रस्ट आणि सुवर्णयुग तरुण मंडळातर्फे गणपती मंदिराच्या 42 व्या वर्धापन दिन साजरा होणार आहे. त्यासाठी गुढीपाडव्यापासून म्हणजेच दि. 19 ते 23 मार्चपर्यंत संगीत महोत्सवाचे आयोजन करण्यात आले आहे. दररोज सायंकाळी 5 ते रात्री 10 या वेळेत श्रीमंत थोरले बाजीराव पेशवे रस्त्यावरील नूतन मराठी विद्यालय प्रशाला आणि कनिष्ठ महाविद्यालयाच्या प्रांगणात हा महोत्सव होणार आहे, अशी माहिती ट्रस्टचे अध्यक्ष सुनील रासने यांनी दिली.