Pune Accident: संसाराची स्वप्नं दीड वर्षातच विखुरली! पुण्यातील ती रात्र राजासाठी शेवटची ठरली, उड्डाणपुलावर भयानक घडलं

मयत तरुणाचं नाव राजा यल्लापा लाकडे (वय २५, रा. वैदुवाडी, हडपसर) असे आहे. सोमवारी रात्री साडेआठ वाजण्याच्या सुमारास राजा लाकडे रामटेकडी येथील किर्लोस्कर उड्डाणपुलावरून रस्ता ओलांडत होता. याचवेळी कर्नाटकहून सोलापूरच्या दिशेने जाणारी भरधाव एसटी बस तिथे आली. उड्डाणपुलावर अंधार असल्याने आणि वाहनांचा वेग जास्त असल्याने चालकाला रस्ता ओलांडणारा राजा दिसला नाही आणि बसने त्याला जोरदार धडक दिली.