मध्यरात्री दोनची वेळ, पुण्यात 2 भाऊ रस्त्यावर थांबलेले; खिशात होते हळदीचे पॅकेट, उघडताच पोलीसही हादरले, अटक

बाणेर परिसरात दोन तरुण हळदीच्या पाकिटांचा वापर करून गांजाची तस्करी करत असल्याची गुप्त माहिती बाणेर पोलिसांना मिळाली होती. या माहितीच्या आधारे पोलिसांनी मध्यरात्री दोनच्या सुमारास सापळा रचला. यावेळी दुचाकीवर संशयास्पदरीत्या फिरणाऱ्या दोन तरुणांना पोलिसांनी थांबवून त्यांची झडती घेतली. सुरुवातीला त्यांच्याकडे केवळ हळदीची पाकिटे दिसली, मात्र पोलिसांनी संशयावरून ती पाकिटे फोडली असता त्यात गांजा दडवलेला असल्याचे उघड झाले.