Pune Election : बंडू आंदेकरचा शातीर गेम सुरू, वनराजच्या पत्नीनेही साधली संधी अन् एक चूक केली, सोमवारी पुन्हा जेलमधून बाहेर येणार?

विशेष न्यायालयाच्या परवानगीनंतर आंदेकर कुटुंबातील तिघं सदस्य भवानी पेठ क्षेत्रीय कार्यालयात उमेदवारी अर्ज भरण्यासाठी दाखल झाले होते. यामध्ये लक्ष्मी आंदेकर, सोनाली आंदेकर आणि बंडू आंदेकर यांनी अर्ज दाखल करण्यासाठी पोहोचले. मात्र, पण त्यांचे अर्ज अर्धवट भरलेले असल्याने ते स्वीकारण्यात आले आले नाहीत. ते तिघे आता उद्या पुन्हा अर्ज भरण्याची शक्यता आहे.

बंडू आंदेकरसह तिघांचेही अर्ज बाद करण्यात आल्याने आता वनराजच्या पत्नीने देखील बंडूच्या पावलावर पाऊल टाकून जेलमधून बाहेर येण्याचा मास्टरप्लॅन तयार केला आहे. आंदेकर कुटुंबातील बंडू आंदेकर, लक्ष्मी उदयकांत आंदेकर आणि सोनाली वनराज आंदेकर हे प्रभाग क्रमांक २२, २३ व २४ मधून निवडणूक लढवण्यास इच्छुक आहेत.

दरम्यान ‘नेकी का काम, आंदेकर का नाम’, ‘आंदेकरांना मत, विकासाला मत’ अशी घोषणाबाजी आंदेकरने केली. या तिघांना अर्ज दाखल करण्यास विशेष न्यायालयाने सशर्त परवानगी दिली. त्यानुसार काल दुपारी पोलिस बंदोबस्तात अर्ज दाखल केला. बंडू आंदेकरने प्रभाग क्रमांक २४ कसबा पेठ-कमला नेहरू रुग्णालय-केएमई येथून तर लक्ष्मी आंदेकर आणि सोनाली आंदेकरने प्रभाग क्रमांक २३ रविवार पेठ-नाना पेठ येथून अर्ज भरल्याची चर्चा होती. पण या तिघांचेही अर्ज अर्धवट असल्याने त्यांचे अर्ज स्वीकारले नाहीत.  भवानी पेठ क्षेत्रीय कार्यालयाचे निवडणूक निर्णय अधिकारी यांनी सागितले आहे.