Pune Crime : दहिवडीतील 12 वर्षाच्या मुलाच्या हत्याकांडाचा अखेर उलगडा, लैंगिक अत्याचारातून खून! आरोपीची धक्कादायक कबुली

Pune Crime News : पुणे जिल्ह्यातील शिरूर तालुक्यातील दहिवडी येथील मांजरेवस्ती येथे 12 वर्षीय मुलाचा खून झाल्याची घटना मंगळवारी घडली होती. साईराज गणेश मांजरे असं खून झालेल्या बालकाचं नाव होतं. या घटनेनंतर संपूर्ण पुणे जिल्ह्यात खळबळ उडाल्याचं समोर आलं. 12 वर्षाच्या चिमुकल्यावर बिबट्याने हल्ला केला, अशी शक्यता वर्तविली जात होती. मात्र, अखेर ही हत्या असल्याचं तपासात समोर आलं. त्यानंतर आता 24 तासात पोलिसांनी आरोपीच्या मुसक्या आवळल्या आहेत. पोलिसांनी अत्यंत वेगाने तपास चक्रे फिरवत अक्षय मांजरे नावाच्या आरोपीला ताब्यात घेतलं आहे.