'तो' मेसेज पाठवून पोलिसालाच गंडवलं; पुण्यात सायबर चोरट्यांची नवी शक्कल, कोणाला शंकाही येणार नाही

फसवणुकीची पद्धत : सायबर भामटे व्हॉट्सअॅप किंवा टेलिग्रामवर 'तुमच्या गाडीचे ई-चलन भरा' असा संदेश पाठवतात. यासोबत एक APK फाईल जोडलेली असते. ही फाईल उघडताच मोबाईलमध्ये आपोआप तीन संशयास्पद अॅप्लिकेशन्स इन्स्टॉल होतात. यानंतर मोबाईलचा संपूर्ण ताबा हॅकर्सकडे जातो. हॅकर्स मोबाईलमधील कॉन्टॅक्ट लिस्टचा वापर करून संबंधित व्यक्तीच्या डीपीसह "मी हॉस्पिटलमध्ये असून तातडीने पैशांची गरज आहे" असे मेसेज पाठवून आर्थिक फसवणूक करतात.

यवत पोलीस ठाण्याचे निरीक्षक नारायण देशमुख यांनी नागरिकांना सतर्क राहण्याचे आवाहन केले आहे. "सरकारी यंत्रणा कधीही एपीके (APK) फाईलद्वारे दंड भरण्यास सांगत नाहीत. त्यामुळे अनोळखी व्यक्तीने पाठवलेली लिंक किंवा फाईल चुकूनही उघडू नका," असे त्यांनी स्पष्ट केले आहे.

APK फाईल टाळा: व्हॉट्सअॅपवर आलेली कोणतीही फाईल (विशेषतः .apk फॉरमॅटमधील) डाउनलोड करू नका.

घाई करू नका: "दंड भरा नाहीतर कारवाई होईल" अशा धमकावणाऱ्या मेसेजला तातडीने प्रतिसाद न देता खात्री करा.

ओळख पटवा: ओळखीच्या व्यक्तीने पैशांची मागणी केल्यास प्रथम त्यांना फोन करून खात्री करा, कारण त्यांचे खाते हॅक झालेले असू शकते.