Pune : पुण्यात पुन्हा कोरोनाची एन्ट्री, मुंबईनंतर आढळला 2025 मधील पहिला रुग्ण, प्रशासन अलर्ट मोडवर!
- Published by:Saurabh Talekar
Last Updated:
Pune first corona case 2025 : पुण्यातील एका रुग्णालयात उपचार घेणाऱ्या ८७ वर्षांच्या पुरुष व्यक्तीला कोरोनाची लागण झाल्याचे समोर आलंय.
प्रतिनिधी अभिजित पोते : पुण्यात 2025 मधील पहिला कोरोना रुग्ण (Coronavirus pune update) आढळला आहे. पुण्यात कोरोनाचा पुन्हा शिरकाव झाला आहे. मुंबईनंतर आता पुण्यातही 87 वर्षीय वृद्धाला कोरोना व्हायरसची लागण झाल्याचं स्पष्ट झालं आहे. या रुग्णावर पुण्यातील एका खासगी रुग्णालयात उपचार सुरू आहेत. विशेष म्हणजे, यावर्षीचा हा पुण्यातील पहिलाच कोरोना रुग्ण असल्याचं आरोग्य विभागाने जाहीर केलं आहे.
आरोग्य विभाग सतर्क, घाबरण्याचं कारण नाही
पुण्यात पहिला रुग्ण आढल्यानंतर आरोग्य यंत्रणेला सतर्कतेचा इशारा देण्यात आला असून, सर्व आरोग्य कर्मचाऱ्यांना आवश्यक ती काळजी घेण्याच्या सूचना दिल्या आहेत. नागरिकांनी घाबरण्याचं काहीही कारण नाही, असं स्पष्ट करत आरोग्य विभागाने परिस्थिती नियंत्रणात असल्याचा पुनरुच्चार केला आहे.
नवा स्ट्रेन गंभीर नाही
advertisement
गेल्या काही दिवसांत दक्षिण-पूर्व आशियातील देशांमध्ये कोरोनाच्या रुग्णसंख्येत वाढ होत असल्याचं निदर्शनास आलं आहे. मात्र तज्ज्ञांच्या मते, सध्या आढळणारा व्हायरस तुलनेने सौम्य असून तो फारसा घातक नाही. तरीही जेष्ठ नागरिक, अस्थमा, मधुमेह किंवा इतर गंभीर आजारांनी ग्रस्त रुग्णांनी अधिक काळजी घ्यावी, असा सल्ला दिला जातोय.
कोणती खबरदारी घ्यावी?
advertisement
सार्वजनिक ठिकाणी मास्क वापरणे.
वारंवार हात धुणे किंवा सॅनिटायझर वापरणे.
गर्दीच्या ठिकाणी जाणं टाळणं.
सर्दी, खोकला, ताप यांसारखे लक्षणे असल्यास तात्काळ चाचणी करणे.
जेष्ठ नागरिकांनी आरोग्य तपासणी नियमित करावी.
दरम्यान, पुण्यात पुन्हा एकदा कोरोना आढळल्याने काही नागरिकांमध्ये चिंतेचं वातावरण असलं, तरी आरोग्य विभागाकडून वेळेवर उपाययोजना सुरू करण्यात आल्या आहेत. त्यामुळे नागरिकांनी घाबरून न जाता, खबरदारी घेण्यावर भर द्यावा, असा सल्ला देण्यात येत आहे.
Location :
Pune,Maharashtra
First Published :
May 20, 2025 8:04 AM IST
मराठी बातम्या/पुणे/
Pune : पुण्यात पुन्हा कोरोनाची एन्ट्री, मुंबईनंतर आढळला 2025 मधील पहिला रुग्ण, प्रशासन अलर्ट मोडवर!
