मोबाईल, कपडे अन् ती वस्तू..; पुण्यात पोलिसांनी दुचाकी चोरांना पकडलं पण चौकशीत झालं 'भलतंच कांड' उघड

हांडेवाडी रोडवरील श्री साई पार्क सोसायटीमधून अमोल कुंभार यांची दुचाकी चोरीला गेली होती. याप्रकरणी तपास करत असताना, फुरसुंगी पोलिसांना बातमी मिळाली की रेल्वे ब्रिजखालील पॉवर हाऊस परिसरात दोन मुले संशयास्पद रित्या एका काळ्या रंगाच्या 'होंडा शाईन' दुचाकीसह थांबली आहेत. पोलिसांनी सापळा रचून या अल्पवीयन मुलांना ताब्यात घेतलं.

सुरुवातीला केवळ दुचाकी चोरीचा गुन्हा वाटत होता, मात्र पोलिसांनी खाक्या दाखवताच मुलांनी आपलं 'कांड' कबूल केलं. त्यांनी केवळ दुचाकीच चोरली नव्हती, तर परिसरातील दोन ठिकाणी घरफोडी देखील केली होती. त्यांच्याकडून २ मोटारसायकल, १ मोबाईल हॅन्डसेट, कपडे आणि रोख रक्कम असा सुमारे १ लाख रुपयांचा मुद्देमाल जप्त करण्यात आला आहे.