Pune Crime: पुणे हादरलं! शरीरसंबंधांना नकार देताच तरुणाकडून महिलेची हत्या; मृतदेहाची अवस्था पाहून उडाली खळबळ

३ मार्च रोजी दिवे घाटाच्या पायथ्याशी, वडकी गावातील एका गोदामाशेजारील मोकळ्या जागेत ३० ते ४० वर्षे वयोगटातील एका अज्ञात महिलेचा मृतदेह रक्ताच्या थारोळ्यात आढळून आला होता. याप्रकरणी फुरसुंगी पोलीस ठाण्यात खुनाचा गुन्हा दाखल करून गुन्हे शाखेच्या युनिट सहाने तपास सुरू केला होता.

पोलीस निरीक्षक सुदर्शन गायकवाड यांच्या मार्गदर्शनाखाली पथकाने परिसरातील सीसीटीव्ही फुटेजची कसून छाननी केली. या तांत्रिक तपासातून प्रकाश बिभीषण माने (वय २९, रा. वडकी नाला) याची ओळख पटली आणि पोलिसांनी त्याला तात्काळ ताब्यात घेतले.

पोलिसांनी केलेल्या चौकशीत आरोपीने धक्कादायक कबुली दिली. महिलेवर लैंगिक अत्याचार करण्याचा त्याचा प्रयत्न फसला, ज्यामुळे संतापलेल्या प्रकाशने तिचा गळा दाबून आणि डोक्यात दगड घालून तिची हत्या केली. या घटनेमुळे महिलांच्या सुरक्षेचा प्रश्न पुन्हा एकदा ऐरणीवर आला आहे. गुन्हे शाखेच्या पथकाने अत्यंत वेगाने तपास करत या क्रूर गुन्ह्याचा छडा लावला आहे.