पुणेकरांचा प्रवास सुसाट! तळेगाव-चाकण औद्योगिक पट्टा कोंडीमुक्त होणार, मास्टर प्लॅन ठरला!

पुणे: तळेगाव–चाकण हा परिसर पुणे जिल्ह्यातील महत्त्वाचा औद्योगिक पट्टा म्हणून ओळखला जातो. एमआयडीसीमुळे येथे अनेक लहान-मोठ्या कंपन्या कार्यरत आहेत. त्यामुळे याठिकाणी मोठ्या प्रमाणात वाहतूक कोंडीची समस्या निर्माण झाली असून गेल्या अनेक वर्षांपासून या कोंडीवर उपाययोजना करण्याची मागणी केली जात होती. अखेर या प्रश्नावर निर्णय घेत तळेगाव ते चाकण या मार्गावर चारपदरी उन्नत (एलिव्हेटेड) महामार्ग तसेच चारपदरी समांतर रस्ता उभारण्यास मान्यता देण्यात आली आहे. यासोबतच चाकण ते शिक्रापूर या मार्गावरही चारपदरी समांतर महामार्ग उभारला जाणार आहे.