Inspiring Story: कलाकार घडवणाऱ्या पुणेकर, 'त्या' मुलांना मोफत शिक्षण, काम पाहून तुम्हीही कराल कौतुक!

पुणे : स्वतःचे करिअर बाजूला ठेवून मूकबधिर आणि अनाथ मुलांच्या कलागुणांना वाव मिळावा, यासाठी पुणेकर गिरिजा कोंडे देशमुख या गेल्या अनेक वर्षांपासून नि:स्वार्थपणे कार्य करत आहेत. मुलांना चित्रकला आणि रंगभूमी यांसारख्या क्षेत्रात त्या प्रशिक्षण देतात. त्यांचं उद्दिष्ट या मुलांचा आत्मविश्वास वाढवून स्वतःच्या पायावर उभं राहण्याची संधी निर्माण करून देणं हे असून त्यांच्या प्रयत्नांमुळे आज अनेक मूकबधिर मुलं आपले कलागुण दाखवत समाजात नाव कमावत आहेत. विशेष म्हणजे, कलाकार आर्ट अकॅडमीच्या माध्यमातून हे संपूर्ण प्रशिक्षण विनामूल्य दिलं जातं.