मिनरल वॉटर विक्री व्यावासाय करू; पेट्रोल पंप चालकाला मित्रानं विश्वासात घेतलं अन् मग पुण्यात मोठं कांड

पुणे : शेअर बाजार असो वा नवा व्यवसाय, गुंतवणुकीच्या नावाखाली फसवणूक होण्याच्या घटना पुण्यात दिवसेंदिवस वाढताना दिसत आहेत. आता अशीच आणखी एक घटना समोर आली आहे. यात मिनरल वॉटर विक्री व्यवसायात मोठ्या नफ्याचे आमिष दाखवून एका पेट्रोल पंप चालकाची फसवणूक करण्यात आली. व्यावसायिकाची तब्बल २ कोटी ३४ लाख २३ हजार रुपयांची फसवणूक झाल्याचा धक्कादायक प्रकार उघडकीस आला आहे. याप्रकरणी लोणी काळभोर पोलिसांनी हडपसर परिसरातील तीन जणांविरुद्ध गुन्हा दाखल केला आहे.