मुंबईकरांसाठी महत्त्वाची बातमी, चर्चगेट ते दादर लोकल सेवा पूर्णपणे बंद राहणार, का आणि कधी?

मुंबई: मुंबईसह उपनगरांतील लोकल प्रवाशांसाठी महत्त्वाची बातमी आहे. प्रभादेवी येथील रोड ओव्हर ब्रिजच्या पाडकामासाठी पश्चिम रेल्वेकडून शनिवारी मध्यरात्री विशेष ब्लॉक घेण्यात येणार आहे. हा ब्लॉक रात्री 1:30 ते सकाळी 6 या वेळेत लागू राहणार असून, या कालावधीत चर्चगेट ते दादरदरम्यान उपनगरीय लोकल सेवा पूर्णपणे बंद ठेवण्यात येईल. त्यामुळे प्रवाशांना मोठा त्रास सहन करावा लागू शकतो.