शेवटी पुणेकर! पगारवाढ नाही, आयटी ॲडमिनने केलं असं, पुण्यातील बड्या शिक्षण संस्थेत खळबळ

या प्रकरणी एमआयटी अकॅडमी ऑफ इंजिनिअरिंगचे कार्यकारी संचालक महेश देवेंद्र गौडा यांनी 10 जानेवारीला दिघी पोलिस ठाण्यात तक्रार दाखल केली आहे. त्यानुसार मिलिंद गोविंद असमार याच्याविरोधात गुन्हा दाखल करण्यात आला आहे. आरोपी मिलिंद असमार हा संबंधित महाविद्यालयात कॉम्प्युटर व सिस्टिम प्रशासक म्हणून कार्यरत होता. पगारासंदर्भातील वादातून त्याने महाविद्यालयाच्या डिजिटल सिस्टिममध्ये हस्तक्षेप करून ती बंद पाडल्याचा आरोप त्यांच्यावर करण्यात आला आहे.

महाविद्यालयाने पगार रोखल्यामुळे संतप्त झालेल्या आरोपीने कोणतीही अधिकृत परवानगी न घेता महाविद्यालयाच्या वेबसाईटचा सुपर अॅडमिन पासवर्ड बदलल्याचा आरोप आहे. या कृतीमुळे महाविद्यालयाची डिजिटल प्रणाली आणि सॉफ्टवेअर सेवा ठप्प झाली असून त्याचा थेट फटका विद्यार्थ्यांना बसल्याचे समोर आले आहे.