मध्यरात्री हंडे घेऊन रस्त्यावर फिरताना दिसल्या तिघी; सीसीटीव्हीत पुण्यातील महिलांचं ते कांड पाहून पोलीसही हादरले, 'लेडी गँग'ला बेड्या

पुणे : पुणे जिल्ह्यातून सतत चोरीच्या काही ना काही घटना समोर येत आहेत. चोरीच्या घटनांमध्ये आता महिलांच्या टोळ्याही मागे नसल्याचे धक्कादायक वास्तव समोर आले आहे. जुन्नरमधील एका भांडी विक्रेत्याच्या गोडाऊनमधून चक्क २ लाख रुपये किमतीचे ९० तांब्याचे हंडे चोरी गेले होते. हे हंडे चोरणाऱ्या महिलांच्या टोळीचा स्थानिक गुन्हे शाखेने पर्दाफाश केला आहे. या प्रकरणातील तिन्ही महिलांना पोलिसांनी शिताफीने अटक केली असून त्यांच्याकडून चोरीचा मोठा मुद्देमाल जप्त करण्यात आला आहे.