नवऱ्याच्या निधनानंतर रुपाली बॉयफ्रेंडकडं राहायला गेली, पण ज्याची भीती तेच घडलं... पुणे हादरलं

पुणे :  खेड तालुक्यातील शिरोली येथे अनैतिक प्रेमसंबंधांच्या कारणावरून एका विवाहित महिलेची निर्घृण हत्या झाल्याची धक्कादायक घटना उघडकीस आली आहे. गुरुवारी रात्री साडेअकराच्या सुमारास रूपाली विलास वाडेकर (वय 46, रा. कल्याण, जि. ठाणे) असे मृत महिलेचे नाव आहे. आरोपी ललित दिपक खोल्लम (वय 37, रा. शिरोली) याच्या फ्लॅटमध्ये हत्या करण्यात आली. काही दिवसांपासून रूपाली आरोपीच्या घरी राहत होती. त्या दोघांमध्ये प्रेमसंबंध होते, मात्र वारंवार वाद होत असल्याची माहिती स्थानिकांकडून मिळाली आहे. या प्रकरणी खेड पोलीस ठाण्यात खुनाचा गुन्हा नोंदवण्यात आला असून आरोपी सध्या फरार आहे.