पाणी प्यायला गेला, घोट घेण्यापूर्वीच मृत्यूची झडप, पुण्यातील विद्यार्थ्यासोबत घडलं आक्रीत

अभिजीत पोते, प्रतिनिधी पुणे: विद्येचं माहेरघर असलेल्या पुणे शहरातून एक अत्यंत धक्कादायक आणि दुर्दैवी घटना समोर आली आहे. पुण्यातील शासकीय कृषी महाविद्यालयाच्या वसतिगृहात एका विद्यार्थ्याचा दुर्दैवी अंत झाला आहे. संबंधित विद्यार्थी पाणी पिण्यासाठी वॉटर फिल्टरकडे गेला होता. मात्र पाण्याचा घोट घेण्याआधीच त्याच्यावर मृत्यूने झडप घातली आहे. या घटनेमुळे महाविद्यालयातील विद्यार्थ्यांमध्ये प्रचंड संतापाची लाट उसळली आहे.