Pune News : PMPMLच्या प्रवाशांसाठी खुशखबर! पुणे मनपाने घेतला मोठा निर्णय, प्रवास होणार आणखी सुरक्षित

पीएमपीच्या नुकत्याच झालेल्या संचालक मंडळ बैठकीत अनेक गंभीर बाबी मांडण्यात आल्या. त्यात काही चालक प्रवासादरम्यान मोबाईल वापरत असल्याची नोंद झाली. बस चालवताना अशा प्रकारे एकाग्रतेत व्यत्यय आल्यास प्रवाशांच्या जीवितास धोका निर्माण होऊ शकतो. त्यामुळे आता चालकांनी ड्यूटीवर जाण्यापूर्वी स्वतःकडील मोबाईल त्या शेड्यूलवरील वाहकाकडे जमा करणे सक्तीचे करण्यात आले आहे. ड्यूटी संपल्यानंतरच मोबाईल पुन्हा परत दिला जाणार आहे.

फक्त एवढेच नव्हे, तर कोणताही चालक मोबाईल वापरताना किंवा हेडफोन लावून बस चालवताना आढळल्यास त्याच्यावर तत्काळ निलंबनाची कारवाई केली जाणार आहे. ही कारवाई तक्रार प्राप्त झाल्यास किंवा प्रशासनाच्या तपासात पुरावे आढळल्यास केली जाईल. यामुळे नियम मोडणाऱ्या चालकांना कोणतीही सवलत दिली जाणार नसल्याचे स्पष्ट करण्यात आले आहे.