Pune Crime: पुण्यात सोबत राहायचे दोघं, पण अचानक मित्रानं डोक्यात सिलिंडर घालून केली हत्या, कारण जाणून हादरून जाल

बालाजी मारुती खंडारे (वय ३२, मूळ रा. उदगीर, जि. ला लातूर) असं मृत तरुणाचं नाव आहे. पोलिसांनी याप्रकरणी त्याचाच मित्र प्रदीप विठ्ठल गुंडरे (वय २९, मूळ रा. अहमदपूर, जि. लातूर) याला बेड्या ठोकल्या आहेत. हे दोन्ही तरुण कामासाठी लातूरहून पिंपरी-चिंचवडमध्ये आले होते आणि मोशी परिसरात एकत्र राहत होते.

मिळालेल्या माहितीनुसार, या दोघांमध्ये जेवण बनविण्यावरून जोरदार भांडण झालं. वादाचे रूपांतर हाणामारीत झालं आणि संतापलेल्या प्रदीपनं घरातील गॅस सिलिंडरची टाकी उचलून थेट बालाजीच्या डोक्यात मारली. या भीषण हल्ल्यात बालाजीचा जागीच मृत्यू झाला.

दुसऱ्या एका घटनेत ऐरोली येथील ३३ वर्षीय उबेर ड्रायव्हर नासिर सलाम अहमद यांची माळशेज घाटातील गणेशखिंड परिसरात निर्घृण हत्या करण्यात आल्याचे उघड झाले आहे. याप्रकरणी ठाणे ग्रामीण गुन्हे शाखेने टिटवाळा येथील २१ वर्षीय इंजिनिअरिंगच्या विद्यार्थ्याला अटक केली आहे. आरोपीने हा खून स्वसंरक्षणासाठी केल्याचा दावा केला असला तरी, रक्ताने माखलेली गाडी आणि मृतदेहाची विल्हेवाट लावल्याच्या प्रकाराने परिसरात खळबळ उडाली आहे.