पुणे-मुंबई प्रवास आता सुसाट! नव्या पर्यायी मार्गाला मंजुरी; लोणावळा-खंडाळ्याचा घाट विसरा, 'या' मार्गाने वाचणार वेळ

फेब्रुवारी महिन्यात आडोशी बोगद्याजवळ झालेल्या टँकर अपघातामुळे मुंबई-पुणे एक्स्प्रेस वे तब्बल ३२ तास ठप्प होता. अशा आपत्कालीन स्थितीत पर्यायी मार्ग नसल्याने प्रवाशांचे हाल झाले होते. हीच बाब लक्षात घेऊन कोल्हे यांनी मुख्यमंत्री आणि उपमुख्यमंत्र्यांकडे या नव्या मार्गाची मागणी केली होती.

या नवीन प्रकल्पामुळे पुणे-मुंबई प्रवासाचे चित्र पूर्णपणे बदलणार असून त्याचे अनेक दूरगामी फायदे दिसून येतील. प्रामुख्याने, या मार्गामुळे तळेगाव, चाकण आणि शिक्रापूर यांसारख्या औद्योगिक पट्ट्यातील वाहतूक कोंडीची समस्या कायमची सुटण्यास मदत होईल, ज्यामुळे येथील कंपन्यांच्या मालाची ने-आण अधिक वेगाने होईल. केवळ स्थानिकच नव्हे, तर हा मार्ग मुंबई-छत्रपती संभाजीनगर आणि मुंबई-सोलापूर या प्रमुख शहरांना जोडणारा एक महत्त्वाचा दुवा ठरणार आहे, ज्यामुळे राजंतर्गत कनेक्टिव्हिटी अधिक मजबूत होईल.

या प्रकल्पाचे सर्वात मोठे वैशिष्ट्य म्हणजे सह्याद्रीच्या दुर्गम रांगांमधून विकसित केला जाणारा सुमारे २० किलोमीटर लांबीचा नवा पर्यायी घाटमार्ग. या घाटासाठी सध्या केंद्र सरकारच्या पर्यावरण मंत्रालयाची तांत्रिक परवानगी मिळवण्याचे प्रयत्न युद्धपातळीवर सुरू आहेत. एकदा का हा प्रकल्प पूर्ण झाला की, चाकणमधील आयटी आणि ऑटोमोबाईल क्षेत्रातील अवजड वाहतुकीला मोठा दिलासा मिळेल आणि पुणे-मुंबई प्रवासाचा एक आधुनिक आणि वेगवान नवा अध्याय खऱ्या अर्थाने सुरू होईल.