Pune News: बापरे... 22 हजार पुणेकरांना कुत्र्याचा चावा,आकडेवारी पाहून बसला धक्का

श्वान प्रेमींच्या हट्टामुळे पालिकेला भटकी कुत्री पकडून नेता येत नसल्याने नसबंदीचा पर्याय पुढे आलाय पण खासगी संस्थामार्फत 37 हजार कुञ्यांची नसबंदी केली गेल्याचा दावा पालिका करतेय मग तरीही डॉग बाईट्सच्या संख्या का कमी होत नाही? असा प्रश्न पुणेकर विचारताहेत. याचाच दुसरा अर्थ असाही निघू शकतो की, खासगी संस्थांमार्फत फुगवून दाखवली जाणारी श्वान नसबंदीची आकडेवारीच बोगस आहे. कारण गेल्या पाच वर्षांत एकट्या पुणे शहरात तब्बल 22 हजार डॉग बाईट्सच्या घटना नोंद झाल्यात. अगदी गेल्या नोव्हेंबर महिन्यातच हा आकडा 2225 इतका आहे. याचाच अर्थ पुणे शहरात भटक्या कुत्र्यांची संख्या आजही हजारोंच्यावर आहे त्यातूनच हे असे चिमुरड्यांवर हल्ले होत आहेत.