Pune Crime: 'नादाला लागाल तर खून करू..'; पुणेकरांना धमकी देणाऱ्या 'दादां'ची पोलिसांनी काढली हवा

गेल्या महिन्यात २६ डिसेंबर रोजी कोंढवा परिसरात एका टोळक्याने उच्छाद मांडला होता. सोहेल नवाज शेख उर्फ पठाण (वय २५) आणि सादिक शेख हे त्यांच्या १० ते १२ साथीदारांसह दुचाकीवरून परिसरात आले. या टोळक्याने हातांत तीक्ष्ण शस्त्रे नाचवत नागरिकांना शिवीगाळ करण्यास सुरुवात केली. "आम्ही मकोका (MCOCA) मधून बाहेर आलो आहोत, इथले दादा आहोत," असे ओरडत त्यांनी सर्वसामान्यांच्या मनात भीती निर्माण केली.