संत तुकाराम महाराज बीज: पिंपरी-चिंचवडहून देहूकडे जाणारे हे मार्ग 3 दिवस बंद, पर्यायी रस्ते कोणते?

पुणे: संत तुकाराम महाराज यांच्या बीज उत्सवासाठी देहूत मोठ्या प्रमाणात भाविक दाखल होत असतात. यंदा ५ मार्चला बीज उत्सव होत आहे. या काळात कोणत्याही भाविकांची गैरसोय होऊ नये यासाठी प्रशासनाने एक महत्त्वाचा निर्णय घेतला आहे. पिंपरी-चिंचवड वाहतूक शाखेकडून 4 ते 6 मार्च दरम्यान वाहतुकीत बदल करण्यात आले आहेत. उपायुक्त विवेक पाटील यांनी याबाबतचे आदेश दिले आहेत. भक्ती-शक्ती चौक, मोईफाटा, एच.पी. चौक, संविधान चौक, कृष्णानगर चौक तसेच कुदळवाडी सर्कल या मार्गांवरून वाहतूक वळविण्यात येणार असल्याची माहिती प्रशासनाने दिली आहे.