Pune Metro: हिंजवडी-शिवाजीनगर मेट्रोची डेडलाईन ठरली, पहिल्या टप्प्यात 12 स्थानके, कधी धावणार?

पुणे: पुणेकरांची, विशेषतः हिंजवडी भागात काम करणाऱ्या कर्मचाऱ्यांची प्रतीक्षा लवकरच संपणार आहे. हिंजवडी ते शिवाजीनगर मेट्रोच्या पहिल्या टप्प्यातील 12 स्थानके येत्या काही दिवसांत सुरू होणार आहेत. माण-हिंजवडी ते शिवाजीनगर मेट्रो लाइन 3 चे काम आता अंतिम टप्प्यात आहे. पुणे महानगर प्रदेश विकास प्राधिकरण प्रशासनाने या मार्गिकेच्या पहिल्या टप्प्यातील 12 स्थानके मे 2026 पर्यंत चालू करण्याचे उद्दिष्ट निश्चित करण्यात आले आहे.