पुण्यातील दौंड, बारामती आणि इंदापूर तालुक्यात जमावबंदी आदेश लागू; नेमकं कारण काय?

पुणे: पुणे जिल्ह्यातील दौंड, बारामती आणि इंदापूर तालुक्यांसाठी एक महत्त्वाची बातमी आहे. या तीनही तालुक्यांमध्ये तात्पुरती जमावबंदी लागू करण्यात आली आहे. उन्हाळ्याच्या पार्श्वभूमीवर शेतीसाठी पाणी सोडण्याचे काम सुरू होणार आहे. या काळात पाण्याच्या वाटपावरून वाद होण्याची शक्यता असते. कोणताही अनुचित प्रकार घडू नये यासाठी प्रशासनाने खबरदारीचा उपाय म्हणून हा निर्णय घेतला आहे.