घरची परिस्थिती हलाखीची, त्यात कचऱ्यात मिळालं सोनं, पण कचरा वेचक महिलेची ती कृती, Video पाहून कराल कौतुक

शालन वायला या गेल्या 10 वर्षांपासून कचरा वेचकाचं काम करत आहेत. 22 डिसेंबरला नेहमीप्रमाणे मंगळवार पेठ या भागात कचरा गोळा करण्याचं काम करत होत्या. त्यांनी घरोघरी जाऊन कचरा गोळा केला आणि त्यानंतर त्या गोळा केलेल्या कचऱ्याचे वर्गीकरण करण्यासाठी बसल्या. कचरा बाजूला काढत असताना त्यांना अचानक एक सोन्याची अंगठी सापडली. ही अंगठी सुमारे 10 ग्रॅम (एक तोळा) वजनाची होती. त्यांनी त्या अंगठीच्या मूळ मालकाचा म्हणजे प्रियांका जगदाळे यांचा शोध घेतला आणि त्यांच्याकडे ती सुपूर्द केली. आर्थिक परिस्थिती नाजूक असताना देखील त्यांनी दाखवलेला प्रामाणिकपणा माणुसकी अजून जिवंत असल्याचं उदाहरण आहे.