Pune News: महत्त्वाचं! पुणेकरांनो विकेंडला बाहेर पडण्याआधी हे वाचाच; हा महत्त्वाचा पूल आज रात्री वाहतुकीसाठी बंद

शिवणे येथील महावितरणच्या सहाय्यक अभियंत्यांनी दिलेल्या माहितीनुसार, शिवणे, वारजे, कोंढवे–धावडे, उत्तमनगर, न्यू कोपरे आणि लगतच्या गावांमध्ये वीजपुरवठा अधिक चांगला आणि सुरळीत होण्यासाठी हे काम नियोजित आहे. रस्त्यावर काँक्रिट खोदून भूमिगत विद्युत वाहिनी टाकण्याचे काम होणार असल्यामुळे सुरक्षिततेच्या कारणास्तव हा मार्ग पूर्णपणे बंद ठेवला जाईल.

हा रस्ता अरुंद असल्यामुळे कामाच्या दोन्ही बाजूंना बॅरिकेड्स लावले जातील. यामुळे वाहनचालकांनी आणि नागरिकांनी या काळात पर्यायी रस्त्यांचा वापर करावा, असे आवाहन महावितरण प्रशासनाने केले आहे.