Kasaba Ganpati: कसबा गणपती मूर्तीवरील शेंदूर कवच दुरुस्ती, 900 किलो शेंदूर कवच हटवून ऐतिहासिक स्वरूप प्रकट

पुणे: पुण्याचे ग्रामदैवत असलेल्या ऐतिहासिक श्री. कसबा गणपती मंदिरातील मुख्य दैवत श्री. जयति गजानन कसबा गणपती यांच्या मूर्तीवरील शेंदूर कवच हटवल्यानंतर तब्बल 15व्या शतकातील मूळ मूर्ती प्रथमच भाविकांसमोर प्रकट झाली आहे. मंदिर देवस्थान ट्रस्टच्या वतीने 15 डिसेंबरपासून ही विशेष दुरुस्ती व संवर्धन प्रक्रिया सुरू करण्यात आली होती. या काळात मंदिर भाविकांसाठी पूर्णपणे बंद ठेवण्यात आले होते. प्रक्रिया पूर्ण झाल्यानंतर 31 डिसेंबरपासून मंदिर दर्शनासाठी खुले होणार आहे.