पुणेकरांनो लक्ष द्या! पुणे पोलिसांची महत्त्वाची 'मोहिम', हा रस्ता राहणार बंद; पर्यायी मार्ग कोणते?

पुणे शहरात सध्या पोलिस भरती प्रक्रिया सुरू असून, त्यामुळे काही ठिकाणी वाहतूक वळवण्यात आली आहे. पुणे ग्रामीण पोलीस मुख्यालय पाषाण येथील काही अंतर्गत रस्त्यांवर वाहतूक व्यवस्थेत बदल करण्यात आला आहे. पुणे ग्रामीण पोलीस मुख्यालयाच्या अंतर्गत रस्त्यांना 17 फेब्रुवारीपर्यंत दररोज पहाटे 4 वाजता ते सायंकाळी 6 वाजता वाहतुकीस पूर्णपणे बंद ठेवण्यात येणार आहे. या काळात नागरिकांनी पर्यायी मार्गांचा वापर करावा, असे आवाहन पुणे शहर वाहतूक शाखेचे उपायुक्त हिमंत जाधव यांनी केले आहे.