उन्हाचा कडाका! कोल्हापुरात पारा चढला, पुण्यात काय स्थिती? पाहा हवामान अपडेट

पुणे : गेल्या काही दिवसांपासून राज्यातील तापमानात मोठे बदल होताना दिसत आहेत. विदर्भामध्ये उन्हाचा पारा चढला असून आता पश्चिम महाराष्ट्रातील तापमानात देखील सतत वाढ होत असल्याचे दिसून येत आहे. हवामान विभागाच्या अंदाजानुसार पुणे, कोल्हापूर, सातारा, सांगली आणि सोलापूर या जिल्ह्यांमध्ये 3 फेब्रुवारी रोजी कमाल तापमान 34 ते 36 अंश सेल्सियसपर्यंत इतके राहील तर किमान तापमान 12 ते 18 अंशांच्या दरम्यान राहण्याची शक्यता आहे. विशेषतः कोल्हापूर, सोलापूर आणि सांगली जिल्ह्यांत अधिक उष्णता जाणवेल. त्यामुळे नागरिकांनी उष्णतेपासून बचाव करण्यासाठी खबरदारी घ्यावी.