Ganesh Chaturthi 2025 : बाप्पासाठी आकर्षक डेकोरेशन करायचंय? पुण्यात मिळतायेत स्वस्तात मस्त पर्याय

पुणे : गणेशोत्सवाची आतुरतेने वाट पाहणारे भक्त बाप्पाच्या स्वागताची तयारी वेगाने करत आहेत. प्रत्येक घराघरात, मंडळात सजावट आणि पूजेसाठी लागणाऱ्या वस्तूंची खरेदी सुरू झाली आहे. पुण्यात या निमित्ताने बाजारपेठा सजल्या असून गणपती सजावटीसाठी आवश्यक साहित्य स्वस्त दरात उपलब्ध होत आहे. विशेष म्हणजे या मार्केटमध्ये तुम्हाला केवळ सजावटीचेच नव्हे, तर बाप्पाच्या पूजेसाठी लागणारे हार, फुले, तोरण, दागिने, मुकुट, फेटा, गौराईसाठी साड्या अशा वस्तूही एकाच ठिकाणी मिळतात. त्यामुळे पुण्यातील काही बाजारपेठा गणेशभक्तांसाठी खरेदीचे खास ठिकाण ठरत आहेत.