Akshaya Tritiya 2025 : आज आवर्जुन करा 'या' गोष्टी; होईल लक्ष्मीची कृपा आणि मिळेल अक्षय्य समृद्धी!
- Published by:Arjun Nalavade
- local18
Last Updated:
अक्षय्य तृतीया ही वैषाख शुद्ध तृतीया तिथीला साजरी केली जाते. या दिवशी केलेले पूजन, व्रत, सुवर्ण व चांदी खरेदी, अन्नदान आणि धार्मिक कार्य अक्षय फल देते, असा धार्मिक विश्वास आहे. पं. श्रीधर शास्त्री यांच्या मते...
Akshaya Tritiya 2025 : आज (बुधवार) अक्षय्य तृतीया आहे. वैशाख शुक्ल पक्षातील तृतीया तिथीला ही येते. या दिवशी शास्त्रानुसार कोणतंही काम केलं, तर त्याचं अक्षय्य फळ मिळतं, असं मानलं जातं. अक्षय्य तृतीया हा वर्षभरातील खास सणांपैकी एक आहे. धार्मिक मान्यतेनुसार, या दिवशी धन आणि समृद्धीची देवी लक्ष्मीची पूजा, उपवास, धार्मिक विधी इत्यादी केल्याने विशेष फळ मिळतात. अक्षय्य तृतीयेच्या दिवशी काही खास कामं केल्याने अक्षय्य फळ मिळतं. ज्योतिषशास्त्रानुसार, या दिवशी कोणतेही धार्मिक विधी, पूजा, गृहप्रवेश, मुंडन संस्कार, विवाह संस्कार, मुहूर्त वगैरे विधीवत केल्यास अक्षय्य फळ प्राप्त होतं.
या गोष्टी केल्याने मिळतं चांगलं फळ
अक्षय्य तृतीयेला कोणतं काम केल्याने अक्षय्य फळ मिळेल याबद्दल अधिक माहिती देताना ज्योतिषी पंडित श्रीधर शास्त्री 'लोकल 18' ला सांगतात की, अक्षय्य तृतीया हा वर्षातील खास सणांपैकी एक आहे. अक्षय्य तृतीयेला गाईला पोटभर चारा खाऊ घालणं, बैलाला पोटभर चारा खाऊ घालणं, सोनं खरेदी करणं, सोन्याचे दागिने खरेदी करणं, सोनं खरेदी करायला बजेट नसेल तर चांदीचे दागिने खरेदी करणं, चांदी खरेदी करणं, मातीची भांडी खरेदी करणं, अष्टधातूच्या लक्ष्मी माता आणि गणपतीच्या मूर्ती खरेदी करणं, घरात लक्ष्मी गणपतीच्या अष्टधातूच्या मूर्ती स्थापित करणं, सत्य बोलणं, धर्माच्या नियमांचं पालन करणं, लक्ष्मी गणपतीची पूजा करणं, पूजेनंतर लक्ष्मी मातेची आरती करणं, ब्रह्मचर्य पाळणं आणि दुर्गा सप्तशतीमध्ये सांगितलेल्या लक्ष्मी स्तोत्राचं पठण करणं इत्यादी गोष्टी केल्याने कधीही न संपणारं फळ मिळतं. अक्षय्य तृतीयेला ही सगळी कामं करणं खूप शुभ मानलं जातं. तसेच, या दिवशी पाण्याने भरलेला मातीचा घडा दान केल्यास विशेष लाभ मिळतात.
advertisement
अक्षय्य तृतीया पूजेचा शुभ मुहूर्त : आज, बुधवार, 30 एप्रिल रोजी सकाळी 5:40 ते दुपारी 4:19 पर्यंत.
अक्षय्य तृतीयेला सोने-चांदी खरेदी करण्याचा शुभ मुहूर्त : अक्षय्य तृतीयेला सोने आणि चांदी खरेदी करणं खूप शुभ मानलं जातं. धार्मिक मान्यतेनुसार, या दिवशी खरेदी केलेली वस्तू अक्षय्य असते, म्हणजेच ती कधीही न संपणारी समृद्धी घेऊन येते. पंचांगानुसार, सोने-चांदी खरेदी करण्याचा शुभ मुहूर्त आज सकाळी 5:40 ते दुपारी 4:19 पर्यंत असेल. जरी दिवसभर अबूझ मुहूर्त असला तरी, या मुहूर्तातील पूजा आणि खरेदी अधिक शुभ फलदायी ठरेल. यामुळे तुम्हाला दुप्पट लाभ मिळू शकतात.
advertisement
हे ही वाचा : Akshaya Tritiya 2025 : तब्बल 84 वर्षांना जुळून आलाय योग! 'या' दिवशी खरेदी करा सोनं आणि मुहूर्त न पाहता करा शुभ काम!
हे ही वाचा : Akshaya Tritiya 2025 : सोनं नसलं तरी चालेल, पण अक्षय तृतीयेला चुकूनही खरेदी करू नका 'या' गोष्टी; अन्यथा...
Location :
Mumbai,Maharashtra
First Published :
April 30, 2025 10:30 AM IST
मराठी बातम्या/अध्यात्म/
Akshaya Tritiya 2025 : आज आवर्जुन करा 'या' गोष्टी; होईल लक्ष्मीची कृपा आणि मिळेल अक्षय्य समृद्धी!
